ءدىن ىستەرى جانە ازاماتتىق قوعام مينيسترلىگىنىڭ مادەنيەتتەر مەن دىندەردىڭ حالىقارالىق ورتالىعىنىڭ ۇجىمى ق ر پرەزيدەنتى نۇرسۇلتان نازاربايەۆتىڭ «پرەزيدەنتتىڭ بەس الەۋمەتتىك باستاماسى» اتتى ۇندەۋى تالقىلاۋ بويىنشا وتىرىس وتكىزدى، دەپ جازادى Qamshy.kz اقپارات اگەنتتىگى.

مەملەكەت باسشىسىنىڭ ۇسىنعان «7-20-25» جاڭا باعدارلاماسى: ءار وتباسىنا جاڭا تۇرعىن ءۇي ساتىپ الۋ مۇمكىندىكتەرى، تومەن جالدامالى جۇمىسشىلاردىڭ جالاقىسىن كوتەرۋ ءۇشىن سالىق اۋىرتپالىعىن ازايتۋ، جوعارى ءبىلىم بەرۋدىڭ قولجەتىمدىلىگى مەن ساپاسى جانە ستۋدەنتتىڭ ءومىر ءسۇرۋ جاعدايلارىن جاقسارتۋ، ميكروكرەديتتەردى كەڭەيتۋ، سونداي-اق ەلدىڭ ودان ءارى گازداندىرۋىن قامتاماسىز ەتۋ.

ءىس-شارا بارىسىندا مادەنيەتتەر مەن دىندەردىڭ حالىقارالىق ورتالىعىنىڭ ديرەكتورى، فيلوسوفيا عىلىمدارىنىڭ دوكتورى، پروفەسسور  ا.پ. ابۋوۆ: «ۇلت كوشباسشىسى ن.ءا. نازاربايەۆتىڭ بەس الەۋمەتتىك باستاماسى مەملەكەتىمىزدىڭ ءاربىر ازاماتىنىڭ الەۋمەتتىك-ەكونوميكالىق ءال-اۋقاتىن نىعايتۋعا مۇمكىندىك بەرەدى، ويتكەنى بۇل سالا تاۋەلسىز قازاقستاننىڭ كونفەسسياارالىق كەلىسىمى مەن بىرلىگىن قۇرۋداعى ىرگەلى قابات بولىپ تابىلادى»، - دەپ اتاپ ءوتتى.

«نۇر وتان» پارتياسىنىڭ مۇشەسى، فيلوسوفيا عىلىمدارىنىڭ كانديداتى، «نۇر قاسىم» قوعامدىق قورىنىڭ پرەزيدەنتى تەرەشكۋلوۆ ايان باۋىرجان ۇلى ءوز بايانداماسىندا: «پرەزيدەنتتىڭ بەس الەۋمەتتىك باستاماسى ەل دامۋىنىڭ ۇزاق مەرزىمدى باسىمدىقتارىن ايقىندايدى جانە ءاربىر ازامات ءۇشىن ماڭىزدى مىندەتتەر قويدى»، - دەدى. ءوز كەزەگىندە، حالىقارالىق تۇركى اكادەمياسىنىڭ جەتەكشى ساراپشىسى كوزىريەۆ تيمۋر اناتوليەۆيچ اتالعان ۇندەۋ قازاقستاندىق قوعامنىڭ ودان ءارى الەۋمەتتىك-ەكونوميكالىق دامۋى ءۇشىن قۋاتتى درايۆەر ەكەنىن اتاپ ءوتتى.

ەسكە سالا كەتەيىك، 5 ناۋرىزدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ق ر پارلامەنت پالاتالارىنىڭ بىرلەسكەن وتىرىسى بارىسىندا حالىققا ارنالعان «پرەزيدەنتتىڭ بەس الەۋمەتتىك باستاماسى» اتتى ۇندەۋىن جاريالادى.